२२ माघ २०७६ , बुधबार

थापाको अनशन सर्‍यो, फागुन ३ गतेदेखि बस्ने

काठमाडौं : आफूलाई शिक्षा तथा स्वास्थ्य अभियन्ता बताउने विजय थापाले राष्ट्रिय चिकित्सा शिक्षा आयोगका उपाध्यक्ष श्रीकृष्ण गिरीलाई उन्मुक्ति दिन खोजिएको भन्दै अनशन बस्ने चेतावनी दिएका छन्।

गिरीले बीएण्डसी हस्पिटलका सञ्चालक दुर्गा प्रसाईसँग २० करोड घुस मागेको विषयमा सरकारले छानबिन नगरेको भन्दै थापाले फागुन ३ गतेदेखि अनशन बस्ने बताएका हुन्। रिपोर्टर्स क्लबमा बुधवार कार्यक्रम गरी उनले गिरीविरुद्ध आवाज उठाएपछि आफूमाथि सुरक्षा खतरा बढेको दाबी गरे।

थापाले यसअघि रिपोर्टर्स क्लबमै पत्रकार सम्मेलन गरी माघ २२ देखि अनशन शुरु गर्ने बताएका थिए।

थापाले आफ्नो अभियानमा व्यापक जनसमर्थन जुटाउने उद्देश्यले अनशनको कार्यक्रम सारेको दाबी गरे। छिट्टै संघर्षका कार्यक्रम पनि तय गर्नुपर्ने भएका कारण अनशन सारेको उनको भनाइ छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।