काठमाडौं : नेपाल चिकित्सक संघको निर्वाचनको मतगणना ८ घण्टा ढिलाेगरी  शुरू भएकाे छ ।

पूर्वनिर्धारित कार्यक्रमअनुसार बुधबार बिहान ९ बजे मतगणना शुरु हुनुपर्ने थियो। मतगणना पाँच स्थानमा गर्ने कि एकै स्थानबाट गर्ने भन्ने विषयमा उम्मेदवारहरुबिच  विवाद हुँदा ढिलाइ भएको निर्वाचन समितिले जनाएकाे छ । लामो छलफल पछि  तीन स्थानमा गर्ने र मतगणना प्रोजेक्टरमार्फत देखाइने सहमतिपछि गणना शुरु भएको हो।

पहिले उपत्यका बाहिरको मतगणना शुरू गर्ने र सबै मतपत्र एकै ठाउँमा मिसाएर गणना हुने सहमति भएकाे पनि  निर्वाचन समितिले जनाएकाे छ ।

काठमाडौं उपत्यकामा पाँच दिन चलेको मतदानमा ३ हजार ३ सय १ जनाले मतदान गरेका थिए भने उपत्यकाबाहिर दुई हजार ८५१ मत खसेको थियो। संघको अध्यक्ष पदका लागि लोकतान्त्रिक समूहबाट डा लोचन कार्की र र पेशागत समावेशी समूहबाट डा पुष्पमणी खराल प्रतिष्पर्धामा छन्।