काठमाडाैं : नेपालका लागि चिनियाँ राजदूत होउ यान्छीले चीनमा रहेका नेपालीहरू सुरक्षित रहेको बताएकी छिन्।

सञ्चार माध्यमहरूका लागि अन्तर्वाताका रूपमा दूतावासबाट मंगलवार उपलब्ध सामग्रीमा राजदूत होउले कोरोना भाइरसबाट कोही पनि नेपाली संक्रमित नभएको बताएका हुन्।

चीनमा रहेका नेपालीहरूलाई उद्धार गर्ने विषयको केही सूचना आफूले पनि पाएको भन्दै राजदूत होउले चिनियाँ पक्षले आवश्यक अनुरोधलाई प्राथमिकता दिइरहेको बताइन्।

‘यदि नेपालले चीनबाट आफ्ना नागरिकको उद्धार गर्न चाहन्छ भने विमानस्थलमा गरिने जाँच तथा प्रकोपको रोगथाम र नियन्त्रणमा  सम्बन्धित निकाय पूर्ण रूपमा तयारा हुनु पर्छ’, उनले भनिन्। प्रकोप रोकथामका लागि विश्व स्वास्थ्य संगठनका प्रतिनिधिको समेत सल्लाह लिन उनले आग्रह गरिन्।

राजदूत होउले हुबे प्रान्तका अधिकारीहरूले त्यहाँ रहेका नेपालीहरूका लागि आधारभूत वस्तुहरू उपलब्ध गराइ रहेको भन्दै प्रकोप नियन्त्रणका क्रममा कसैले दैनिक जीवनमा केही बन्देज लगाइनु स्वभाविक र समान्य भएको बताइन्।