२२ माघ २०७६ , बुधबार

क्यान्सर जितेका १३ वर्षीय योल्मोकाे निमाेनियाका कारण निधन

काठमाडौं : क्यान्सर जितेका १३ वर्षीय रिम्पो योल्मोको निधन भएको छ। निमोनियाको उपचारका क्रममा चावहिलस्थित ओम अस्पतालमा मंगलवार राति उनको निधन भएको हो।

ब्लड क्यान्सर जितेर विद्यालय जान थालेका उनलाई निमोनियाबाट भने बचाउन नसकेको उनको उपचारमा संलग्न बाल क्यान्सररोग विशेषज्ञ डा. अञ्जली पण्डितले बताइन्।

कास्की पाेखराका योल्मो नेपाल क्यान्सर हस्पिटल एण्ड रिसर्च सेन्टरले गत वर्ष आयोजना गरेको क्यान्सर सर्भाइभर र्याम्प शोमा समेत भाग लिएका थिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।