१९ माघ २०७६ , आइतवार

चीनकाे वुहानमा रहेका सबै नेपाली नागरिकलाई स्वदेश फिर्ता गरिने

काठमाडौं: कोरोनाभाइरसको सङ्क्रमण सुरु भएको चीनको हुबे प्रान्तकाे वुहानमा रहेका सबै नेपाली नागरिकको उद्धार गरिने भएको छ।

शनिवार बेइजिङस्थित नेपाली दूतावासले एउटा सूचना जारी गर्दै हुबेमा रहेका नेपालीहरूको उद्धार गर्ने र इच्छुक व्यक्तिलाई त्यसका लागि आइतबार विहान ९ बजेसम्म फर्म भर्न आग्रह गरेको छ ।

काेराेना भाइरसकका कारण धमाधम मानिसकाे मृत्यु हुन थालेपछि त्यहाँ रहेका नेपालीहरूले आफूहरूलाई तत्काल उद्धार गर्न सरकारसँग माग गरेका थिए।

नेपालीहरूको उद्धारका लागि एउटा विशेष चार्टर्ड विमान पठाइन लागेको र त्यसबारे विस्तृत विवरण चाँडै सार्वजनिक गरिने दूतावासद्वारा जारी सूचनामा जनाइएको छ।

चीनबाट फैलिएको नयाँ कोरोनाभाइरसलाई विश्व स्वास्थ्य सङ्गठनले पनि विश्वव्यापी स्वास्थ्य सङ्कटकाल घोषणा गरिसकेकाे छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।