१३ माघ २०७६ , सोमवार

नेसनल मेडिकल कलेजका निर्देशक अन्सारीको घरअगाडि बम

काठमाडौं : वीरगञ्जको नेसनल मेडिकल कलेजका निर्देशक (एमडी) बसुरुद्दीन अन्सारीको घरअगाडि राखिएको बम नेपाली सेनाको ‘डिस्पोजल’ टोलीले निष्क्रिय पारेको छ।

नेपाली सेनाको चण्डीप्रसाद गणको टोलीले सो बम निष्क्रिय पारेको हो। प्रेसरकुकरमा डेटोनेटरसहित बम जडान गरी राखेकाे पाइएको सेनाको डिस्पोजल टोलीले जानकारी दिएको छ।

बम राखिएको घटनाबारे अनुसन्धान थालिएको पर्साका प्रहरी उपरीक्षक सोमेन्द्र सिंह राठौरले जानकारी दिए। नगरमा सर्वसाधारणलाई आतंकित पार्ने उद्देश्यले बम राखेको हुनसक्ने प्रहरीको अनुमान छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।