१२ माघ २०७६ , आइतवार

निःशुल्क शिविरमा ११३ मनोरोगी लाभान्वित

कपिलवस्तु : शिवराज नगरपालिका–१ शिवपुरमा आयोजित मनोरोगसम्बन्धी निःशुल्क शिविरमा ११३ जना लाभान्वित भएका छन्।

मेनिरोल नेपाल आशादीप तथा शिवपुर स्वास्थ्य चौकीको आयोजनामा भएको शिविरमा नशा, टाउको तथा मनोरोग भएका बिरामीले उपचार गराएका हुन्। ३४ जनालाई उपचारका लागि अन्य ठाउँ जान सुझाव दिइएको बताए।

प्रदेश ५ का प्रदेशसभा सदस्य अर्जुन केसीले विभिन्न कारणले मानिस डिप्रेसनजस्ता समस्याले परिवार तथा समाजलाई असर परेकाले यसकाे निराकरणका लागि समयमै स्वास्थ्यकर्मीकाे सल्लाह लिनुपर्ने बताए। मनोरोग विशेषज्ञ डा. राजेश श्रेष्ठले उपचार गरे मनोरोग निको हुने दाबी बताए।

मृगी, डराउने, डिप्रेसन हुनेजस्ता बिरामीको संख्या बढिरहेकाले यसबाट मुक्त हुन व्यवहारमा परिर्वतन ल्याउनुपर्ने उनको भनाइ छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।