१२ माघ २०७६ , आइतवार

पाँखखालमा नेपाल–पाकिस्तान मैत्री संघकाे स्वास्थ्य शिविर

काभ्रे : पाँचखालमा सञ्चालित निःशुल्क स्वास्थ्य शिविरमा करिब ४०० जनाले सेवा लिएका छन्।

पाँचखालको समाजकल्याण प्राथमिक विद्यालयमा शनिवार सञ्चालित निःशुल्क स्वास्थ्य शिविरमा ३९३ जनाले स्वास्थ्य जाँच गराएका हुन्।

नेपालस्थित पाकिस्तानी राजदूत डा. मजर जावेद, पाँचखाल नगरका प्रमुख महेश खरेल र नेपाल पाकिस्तान मैत्री सांस्कृतिक संघका अध्यक्ष हिमालयनशमशेर राणाले उद्घाटन गरे।

पाँचखाल नगरपालिकाको समन्वयमा नेपाल– पाकिस्तान मैत्री सांस्कृतिक संघले शिविर आयोजना गरेकाे हाे। पाकिस्तानमा अध्ययन गरेर फर्किएका आठ चिकित्सकले सेवा प्रदान गरेका थिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।