रामग्रामलाई पोषणयुक्त नगर बनाइँदै
पश्चिम नवलपरासी : रामग्राम नगरपालिकालाई षोषणयुक्त नगर बनाउन कार्ययोजना बनाइएको छ। कार्ययोजना प्रभावकारी रूपमा कार्यान्वयन गर्न जनप्रतिनिधि, कर्मचारी तथा सरोकार पक्षले सामूहिक प्रतिबद्धतासमेत जनाएका छन्।
आमा, शिशुु तथा किशोरकिशोरीको पोषणस्थितिमा सुधार ल्याउन यस किसिमको योजना बनाइएको नगरपालिकाले जनाएको छ। बालमैत्री अभियानलाई समेत सघाउ पुग्नेगरी नगरपालिकालाई स्वच्छ, सफा, स्वस्थ्य र पोषणयुक्त नगर बनाउन कार्ययोजना बनाई सामूहिक प्रतिबद्धता जनाइएको नगर प्रमुख नरेन्द्र गुप्ताले बताए।
कार्ययोजना अनुसार एकीकृत पोषणसँग सम्बन्धित नीतिगत व्यवस्था तथा कार्यान्वयनलाई सुदृढ गर्न ‘रामग्राम नगरपालिकाको सरोकार स्वच्छ पारदर्शी विकासमुखी स्थानीय सरकार’ नारालाई साकार पार्न समृद्धिको योजना सञ्चालन गरिनेछ।
सुनौला एक हजार दिनका आमालाई प्रोत्साहन गर्ने कार्यक्रम, पोषणमैत्री स्थानीय शासनको अवधारणा अवलम्बन गरी नगरपालिकालाई पोषणमैत्री बनाउने नीति अवलम्बन गर्ने स्वास्थ्य शाखा प्रमुख कृष्ण चौधरीले बताए।
काठमाडौंमा १७ जना औंलोको बिरामी, सबै आयातित
स्वास्थ्य मन्त्रालयले भन्यो, सरकारी अस्पतालमा काम गर्ने अनि निजीको विज्ञापन गर्न कहाँ पाइन्छ ?
गर्मीमा तातो हावा ‘लू’ बाट कसरी जोगिने ?
राष्ट्रिय प्रत्यारोपण केन्द्र १२ वर्षमा : १२ सय ३१ जनाको मिर्गौला प्रत्यारोपण
आइभीएफबारे ७ भ्रम र यथार्थ