Health TV Online
Health TV Online

बेल्जियमकी राजकुमारी अस्ट्रिडले सुनिन् कुष्ठरोगीका भोगाइ

बेल्जियमकी राजकुमारी अस्ट्रिडले सुनिन् कुष्ठरोगीका भोगाइ

काठमाडौं : नेपाल भ्रमणमा रहेकी बेल्जियमकी राजकुमारी अस्ट्रिड कुष्ठरोग निवारणका लागि सामाजिक चेतना अभिवृद्धि गर्ने अभियानमा सहभागी भएकी छिन्। अस्ट्रिड डामिन फाउण्डेसनले मंगलवार आयोजना गरेको कुष्ठरोग सेमिनारमा सहभागी भएकी हुन्।

विश्व कुष्ठरोग दिवसको सेरोफेरो पारेर गरिएको कार्यक्रममा विज्ञले कार्यपत्र प्रस्तुत गर्नुका साथै कुष्ठरोग निवारणका लागि भइरहेका प्रयासबारे जानकारी गराए।

कार्यक्रममा प्रा. मधुसुधन सुवेदीले कुष्ठरोग निवारणसम्बन्धी नेपालको प्रगतिबारे कार्यपत्र प्रस्तुत गरे। फाउण्डेसनका नेपालदेशीय प्रतिनिधि डा. सुशील कोइरालाले फाउण्डेसनले कुष्ठरोग र क्षयरोग निवारणसम्बन्धी जनचेतना अभिवृद्धिका साथै औषधि उपचारका लागि पहलकदमी गर्दै आएको जानकारी दिए। पाँच प्रदेशका १६ जिल्लामा कार्यक्रम सञ्चालन भइरहेको उनले बताए।

कार्यक्रममा कुष्ठ रोगबाट पीडित बुटवलकी सावित्री श्रेष्ठ र क्षयरोगी धनुषका चन्द्रप्रकाश यादवले आफ्ना भोगाइ सुनाए। उनीहरूकाे प्रस्तुति बेल्जियमका राजकुमारीले चासोपूर्वक सनिन्।

आगामी जनवरी ३० गते विश्व कुष्ठरोग दिवस मनाइँदैछ। नेपाललाई यसै वर्ष (सन् २०२०) सम्म पूर्णरूपले कुष्ठरोग निवारण देश बनाउने सरकारको लक्ष्य छ।

  • हेल्थ टिभी अनलाइन

    हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।

थप समाचार