७ माघ २०७६ , मङ्लबार

मेची अस्पतालमा ल्याप्रोस्कोपी विधिद्वारा पित्तथैलीको शल्यक्रिया शुरु

झापा : मेची अञ्चल अस्पतालमा ल्याप्रोस्कोपी विधिद्वारा पित्त थैलीको शल्यक्रिया शुरु भएको छ। सरकारी अस्पतालमा शुक्रबारदेखि पहिलो पटक यो सेवा सञ्चालनमा आएको हो। यसअघि चिरफार पद्धतिबाट शल्यक्रिया हुँदै आएको थियो।

दूरबिनको प्रयोग गरी चिरफार गरिने कारण बिरामी निजी अस्पतालतर्फ आकर्षित हुँदै आएकोमा मेसिनप्रयोग गरी शल्यक्रिया गर्ने प्रविधिबाट सेवा दिन थालेको अस्पतालका मेडिकल सुपरिटेन्डेन्ट डा. पिताम्बर ठाकुरले बताए।

अस्पतालका सर्जन डाक्टर रामबाबु खड्का नेतृत्वको टोलीले शल्यक्रिया गर्ने ठाकुरले बताए ।

अस्पतालले पहिलाेपटक याे प्रविधिबाट शल्यक्रिया गरिएको बिरामीलाई १८ हजार रूपैयाँमा बिमा सुविधा अन्तर्गत प्याकेजमा सेवा दिएको थियो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।