६ माघ २०७६ , सोमवार

संसद् बैठकमा सांसदले सोधे, मेडिकल कलेजलाई किन सम्बन्धन नदिएको?

काठमाडौं : राष्ट्रियसभा बैठकमा सांसदहरूले पूर्वाधारयुक्त मेडिकल कलेजहरूलाई सम्बन्धन दिन सरकारको ध्यानाकर्षण गरेका छन्।

सोमबारको राष्ट्रियसभा बैठकमा सांसद हरिचरण सिवाकोटीले भौतिक पूर्वाधार निर्माणका काम पूरा भए पनि मनमोहन मेडिकल कलेजले लामो समयसम्म सम्बन्धन नपाएको गुनासो गरे। उनले तीन हजार ६०० सय नागरिकको सेयर रहेको उक्त कलेजलाई सम्बन्धन दिन ढिलो गरेको भन्दै सरकारको आलोचना गरे।

उनले झापास्थित बी एण्ड सी अस्पतालको मेडिकल कलेजलाई पनि सम्बन्धन नदिइएको भन्दै आपत्ति जनाए। ‘यी कलेजले हरेक वर्ष सरकारलाई राजस्व बुझाउँदै आएका छन्’, उनले भने, ‘सम्बन्धन दिने कुरामा किन मौनता साँधेको।’

मेडिकल शिक्षाका लागि हरेक वर्ष ठूलो संख्यामा नेपाली विद्यार्थी बाहिरिरहेको अवस्थामा यी कलेजले मान्यता नपाउनु दुःखद रहेको उनको भनाइ छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।