दीर्घराेगीलाई नगरपालिकाकाे आर्थिक सहयोग
काभ्रे : पाँचखाल नगरपालिकाले नगरभित्र रहेका दीर्घरोगी तथा विभिन्न रोगबाट पीडित विपन्न व्यक्तिलाई आर्थिक सहयोग गरेको छ।
पाँचखाल नगरपालिकाको समन्वयमा उज्यालो नेपाल काठमाडौँले पाँँचखाल नगरभित्रका क्यान्सर रोगीलाई प्रतिव्यक्ति २५ हजारका दरले छ जनालाई सहयोग गरेको हो।
वडा नं २ का रक्त क्यान्सरपीडित अनिता तामाङ, वडा नं ११ का बीना खरेल र रत्नमान लामा, वडा नं. ८ का घाँटीमा क्यान्सर भएका सीताराम थापा र गालामा क्यान्सर भएका उमेश तामाङ र वडा नं १३ का रक्त क्यान्सर पीडित गोविन्द रोक्काले रकम पाएका हुन्।
उनीहरलाई पाँचखाल नगरपालिकाका कार्यवाहक नगरप्रमुख सञ्जय तामाङ र उज्यालो नेपालका सचिव विष्णु ज्ञवालीले रकम हस्तान्तरण गरे।
नगरपालिकाले आव २०७६\०७७ मा २८ जना दीर्घरोग तथा विभिन्न रोग लागेका विपन्न व्यक्तिलाई आर्थिक सहयोग गरेको जनाएको छ। २८ मध्ये २७ जनालाई उपचारको बिल भर्पाई हेरेर दश हजारको दरले र एक जनालाई पाँच हजार रुपैयाँ सहयोग गरेको नगरपालिकाका प्रमुख प्रशासकीय अधिकृत लोकबहादुर भण्डारीले जानकारी दिए।
काठमाडौंमा १७ जना औंलोको बिरामी, सबै आयातित
स्वास्थ्य मन्त्रालयले भन्यो, सरकारी अस्पतालमा काम गर्ने अनि निजीको विज्ञापन गर्न कहाँ पाइन्छ ?
गर्मीमा तातो हावा ‘लू’ बाट कसरी जोगिने ?
राष्ट्रिय प्रत्यारोपण केन्द्र १२ वर्षमा : १२ सय ३१ जनाको मिर्गौला प्रत्यारोपण
आइभीएफबारे ७ भ्रम र यथार्थ