स्वास्थ्य मन्त्रालयमा याेगसम्बन्धी प्रदर्शनी

स्वास्थ्य मन्त्रालयमा याेगसम्बन्धी प्रदर्शनी

काठमाडौं : राष्ट्रिय योग दिवसको अवसरमा स्वास्थ्य तथा जनसंख्या मन्त्रालयमा आयुर्वेद तथा वैकल्पिक चिकित्सा विभागले योगसम्बन्धी प्रदर्शनी गरेकाे छ।

योग दिवसका अवसरमा सप्ताहव्यापी कार्यक्रमअन्तर्गत विभागले पुस २७ गते शुरु गरेको साताव्यापी कार्यक्रमअन्तर्गत बुधवार स्वास्थ्य तथा जनसंख्या मन्त्रालयमा योगबारे जानकारी दिने स्टल राखिएको हो। स्टलमा याेगकाे महत्त्वबारे जानकारी दिने पुस्तक, पम्प्लेट राखिएकाे विभागकी डा. शारदा खनालले बताइन्।

यसअघि स्वास्थ्य तथा जनसंख्या मन्त्रालय र शिक्षा मन्त्रालयको आयोजनमा बिहान पद्मोदय माध्यमिक विद्यालयबाट प्रदर्शनीमार्ग हुँदै राष्ट्रिय सभागृहसम्म प्रभातफेरी समेत निकालिएको थियो।