१ माघ २०७६ , बुधबार

चिकित्सक उत्पादन गर्न गाउँपालिकाले लगानी गर्ने

जुम्ला : पातारासी गाउँपालिकाले उच्चशिक्षा छात्रवृत्ति कार्यक्रम अन्तर्गत चिकित्सा शिक्षाको स्नातक तहमा छात्रवृत्ति प्रदान गर्ने भएको छ।

गाउँपालिका अध्यक्ष लक्षिमन बोहराले चिकित्सा शिक्षामा पनि छात्रवृत्ति प्रदान गर्न लागेको बताए। उच्चशिक्षा छात्रवृत्ति अध्ययन गर्नका गाउँपालिकाभरिका इच्छुक व्यक्तिहरूबाट आवेदन संकलन भइरहेको जनाइएको छ।

चालू आर्थिक वर्षमा उच्चशिक्षा छात्रवृत्तिमा पाँच लाख र लोकसेवा तयारी कक्षाका लागि तीन लाख बजेट विनियोजन गरेको प्रमुख प्रशासकीय अधिकृत टेकबहादुर बुढथापाले जानकारी दिए।

सात वडामा रहेको पातारासी गाउँपालिकामा समुद्र सतहदेखि करिब तीन हजार २०० मिटरसम्मको उचाइमा छ। यहाँ तीन हजार १७४ घरधुरीमा १७ हजार १३५ जनसंख्या छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।