१ माघ २०७६ , बुधबार

डोटी अस्पताललाई सुविधासम्पन्न बनाउने मुख्यमन्त्रीकाे घाेषणा

डोटी : सुदूरपश्चिम प्रदेशका मुख्यमन्त्री त्रिलोचन भट्टले जिल्ला अस्पताल डोटीलाई प्रदेशकै सुविधासम्पन्न अस्पताल बनाउने घाेषणा गरेका छन्। प्रदेशका सामाजिक विकासमन्त्री कृष्णराज सुवेदीसहित बुधबार अस्पताल निरीक्षण गर्दै भट्टले यस्ताे बताएका हुन्।

उनले नयाँ उपकरण विस्तार गरी जिल्ला अस्पताललाई सुविधा सम्पन्न बनाउने तयारी प्रदेश सरकारको गरेको बताए। प्रदेशका सामाजिक विकासमन्त्री कृष्णराज सुवेदीले जिल्ला अस्पतालमा चिकित्सक दरबन्दी थप गर्ने जानकारी दिए। पछिल्लो समयमा स्वास्थ्य संस्थाहरूमा दरबन्दीको १३ प्रतिशत अभाव छ।

जिल्ला स्वास्थ्य कार्यालय डोटीले दिएको जानकारी अनुसार जिल्लाका नौ स्थानीय तहका ५९ स्वास्थ्य संस्थामा ३०८ दरबन्दी रहेकाेमा हाल २६७ मात्रै पदपूर्ति छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।