२४ पुस २०७६ , बिहिबार

अक्सिजन खरिद गर्न अस्पताललाई नगरपालिकाको सहयोग

कञ्चनपुर : भीमदत्तनगरपालिकाले महाकाली अस्पताललाई अक्सिजन खरिदका लागि चार लाख ५६ हजार रुपैयाँ सहयोग गरेको छ ।

नगरप्रमुख सुरेन्द्र विष्टले अक्सिजनका लागि बुधबार सहयोग रकम अस्पताललाई हस्तान्तरण गरे। नगरप्रमुख विष्टले अक्सिजन खरिदका लागि अस्पतालसँग रकम अभाव रहेको खबर आएपछि सहयोग उपलब्ध गराएको बताए।

अस्पतालका प्रमुख एवं मेडिकल सुपरिटेन्डेन्ट डा. हरिकृष्ण श्रेष्ठले अस्पताललाई गरेको सहयोगप्रति आभार प्रकट गर्दै आगामी दिनमा समेत सहयोगको अपेक्षा रहेको बताए।

यसअघि भीमदत्तनगरपालिकाले जिल्ला रेडक्रस सोसाइटी कञ्चनपुर शाखालाई ब्लड बैंकका लागि आर्थिक सहयोग गरेको थियो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।