२३ पुस २०७६ , बुधबार

बी एण्ड सीका सञ्चालक दुर्गा प्रसाईँकाे आरोप : चिकित्सा शिक्षा आयोगका उपाध्यक्ष गिरीले २० कराेड मागे

काठमाडौं : बी एण्ड सी मेडिकल कलेजका सञ्चालक दुर्गा प्रसाईँले चिकित्सा शिक्षा आयोगका वरिष्ठ उपाध्यक्ष डा. श्रीकृष्ण गिरीले आफूसँग २० करोड घूस मागेको आरोप लगाएका छन्।

काठमाडौंमा बुधबार पत्रकार सम्मेलन गरी प्रसाईँले झापाकाे धाइजन ४ स्थित मेडिकल कलेजको सम्बन्धनका लागि गिरीले २० करोड रुपैयाँ मागेको आरोप लगाएका हुन्।

रकम दिन नसक्ने बताउँदा कलेजको सम्बन्धन नै रोकेको उनले बताए। प्रसाईँले गत मंसिर १५ गते आफूलाई बोलाएर पैसा मागेको दाबी गरेका छन्।

‘शिक्षा विधेयक आइसकेपछि काठमाडौं बाहिरका मेडिकल कलेजलाई सम्बन्धन दिने व्यवस्था गरिएकाे छ’, उनले भने, ‘रकम नपाएकै निहुँमा गिरीले बी एण्ड सीको सम्बन्धन रोके।’

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।