२१ पुस २०७६ , सोमवार

मदन भण्डारी स्वास्थ्य विज्ञान प्रतिष्ठानलाई जग्गा

हेटौँडा : हेटौँडा उपमहानगरपालिकाले मदन भण्डारी स्वास्थ्य विज्ञान प्रतिष्ठानका लागि १२० कट्ठा जग्गा उपलब्ध गराउने भएको छ ।

शिक्षण अस्पतालसमेत सञ्चालन गर्नेगरी हेटौँडामा बन्न लागेको प्रतिष्ठानका लागि जग्गा उपलब्ध गराउन लागेको उपमहानगरपालिकाका प्रमुख हरिबहादुर महतले जानकारी दिए।

हेटौँडा–१० को टीसीएन क्षेत्र र हेटौँडा–११ को थानाभर्याङमा गरी १२ बिघा जग्गा प्रतिष्ठानलाई उपलब्ध गराउने उनले बताए।

प्रदेश ३ सरकारले गतवर्ष जेठमा हेटौँडा अस्पताललाई मदन भण्डारी स्वास्थ्य तथा विज्ञान प्रतिष्ठान बनाउने घोषणा गरेको थियो। प्रदेशसभाले यसै वर्ष भदौमा‘मदन भण्डारी स्वास्थ्य विज्ञान प्रतिष्ठान विधेयक, २०७६’ सर्वसम्मत पारित गरेको थियो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।