२१ पुस २०७६ , सोमवार

जडिबुटी भण्डार र प्रशोधन केन्द्र स्थापना हुँदै

जाजरकोट : जडिबुटी भण्डार तथा प्रशोधनका साथै खेतीका लागि डिभिजन वन कार्यालयले पहल शुरु गरेको छ। संघीय सरकार तथा कर्णाली प्रदेश सरकारको अनुदानमा जिल्लाका सातवटै स्थानीय तहमा कार्य अगाडि बढाइएको हो।

जडिबुटीको भण्डार मानिएको जाजरकोटमा डिभिजन वन कार्यालयले जडिबुटी भण्डार तथा प्रशोधन केन्द्र स्थापनाका साथै उद्यम स्थापना गर्न लागेको डिभिजन प्रमुख महेश कुमाईले जानकारी दिए।

त्यस्तै सहकारीमार्फत जडिबुटी खेती, भण्डारण, बजारीकरणसमेत गर्ने योजना छ। स्थानीय जडीबुटीको खेती तथा विस्तार भण्डारणसमेत गरिन लागेको कुमाईले बताए। जिल्लाका जडीबुटीको राम्रो सम्भावना भएको ठाउँमा पकेटका आधारमा खेती विस्तार गर्न लागिएको उनको भनाइ छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।