२० पुस २०७६ , आइतवार

गाेदानकाे चुनावमा भाग लिन माघ २९ भित्र सदस्यता

काठमाडौं : सरकारी चिकित्सक संघ (गोदान) ले आसन्न निर्वाचनमा सहभागिताका लागि सदस्यता लिन माघ २९ गतेसम्मको म्याद तोकेको छ।

संघले शनिबार विज्ञप्ति निकालेर आसन्न निर्वाचनमा भाग लिनका लागि सदस्य बन्न माघ २९ म्याद रहेको बताएको हो।

प्रमुख निर्वाचन अधिकृत डा. रुद्रप्रसाद मरासिनीद्वारा हस्ताक्षरित विज्ञप्तिमा निर्वाचनलाई अझ बढी व्यवस्थित र निष्पक्ष बनाउन दुई निर्वाचन अधिकृत तोकिएको उल्लेख छ।

डा. पवनकुमार हमाल र डा टेकेन्द्र चौलागाईँलाई निर्वाचन अधिकृत नियुक्त गरिएको संघले जनाएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।