हुम्लाकाे खार्पुनाथमा रूघाखाेकीले महिलाकाे मृत्यु
हुम्ला : मौसमी रुघाखोकीका कारण खार्पुनाथ गाउँपालिका–३ रायागाउँकी एक महिलाको मृत्यु भएको छ। रुघाखोकीले सोमबार राति रायागाउँकी ३६ वर्षीया चुन्दा बुढाको मृत्यु भएको हो।
मृतक बुढाका एक छोरी, दुई छोरा छन्। श्रीमान् भने घरमा नभएको स्थानीय पूर्णबहादुर रोकायाले जानकारी दिए।
रुघाखोकीले गाउँ नै थला परेपछि गाउँमै रहेको राया स्वास्थ्यचौकीमा दैनिक १५ देखि २० जना उपचारका लागि आउने गरेको अहेब वीरसिंह रावलले जानकारी दिए।
राया स्वास्थ्यचौकीमा यतिबेला उपचार गराउन ज्वरो आउने, टाउको दुख्ने, घाँटी पोल्ने, हातखुट्टा झमझमाउनेजस्ता रोगका बिरामी आउने गरेका छन्। रावलका अनुसार अहिले राया स्वास्थ्यचौकीमा मौज्दात रहेको औषधि पनि सकिन लागेको छ।
गत मंसिरको अन्तिम साता परेको भारी हिमपातले बिरामीको संख्या बढेको छ। जिल्ला अस्पताल हुम्लामा पनि बिरामीको चाप बढेकाे छ। रुघाखोकीका बिरामीले अस्पतालका शय्या भरिभराउ छ।
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त
स्वास्थ्यमन्त्री उपेन्द्र यादवले दिए राजीनामा