१४ पुस २०७६ , सोमवार

प्रतिष्ठानमा ६ अर्बको पाँचवर्षे गुरुयोजना पारित

काठमाडौं : कर्णाली स्वास्थ्य विज्ञान प्रतिष्ठानको सिनेट बैठक सम्पन्न भएको छ। प्रतिष्ठानका कुलपति प्रधानमन्त्री केपी शर्मा ओलीको अध्यक्षतामा बालुवाटारमा बसेको बैठकले १२ वटा प्रस्ताव पारित गरेको छ।

प्रतिष्ठानमा एमडी एमएसका लागि एमडीजीपी, अर्थोपेडिक्स, गाइनो, पेडियाट्रिक्स लगायत कार्यक्रम सञ्चालन गर्ने, स्नातकोत्तरमा इपिडिमियोलोजी, फर्मेसी कार्यक्रम सञ्चालन गर्ने प्रस्ताव पारित भएको रजिष्ट्रार विश्वराज काफ्लेले जानकारी दिए।

बैठकले ६ अर्बको पाँचवर्षे बहुवर्षीय गुरुयोजना समेत पारित गरेको प्रतिष्ठानका रजिष्ट्रार काफ्लेले जानकारी दिए। उनका अनुसार चालू आर्थिक वर्षका लागि ६९ करोडको बजेट छ।

यस्तै प्रतिष्ठान छनोट समितिको अध्यक्षमा प्रा.डा. गणेश गुरुङ र सदस्यमा डा. तरुण पौडेललाई नियुक्त गर्ने निर्णय भएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।