कारागारमा छैनन् स्वास्थ्यकर्मी, कैदीबन्दीकाे उपचारमा समस्या
दाङ : तुलसीपुर र घोराही कारागारमा स्वास्थ्यकर्मी नहुँदा कैदीबन्दीको उपचारमा समस्या भएको छ।
क्षमताभन्दा तेब्बरसम्म कैदीबन्दी राखिए पनि स्वास्थ्य जाँचका लागि स्वास्थ्यकर्मी नहुँदा समस्या भएको तुलसीपुर कारागारका प्रमुख जोखिम ओलीले बताए।
गत असोजमा दरबन्दीका स्वास्थ्यकर्मी समायोजन भएर गएपछि उपचारमा समस्या भएको हो। तुलसीपुर कारागारमा ३७६ कैदीबन्दी छन्।
घोराही कारागारमा रहेका स्वास्थ्यकर्मी समायोजन भएर गएपछि गएको असोजदेखि स्वास्थ्यकर्मीविहीन भएको जेलर विष्णु पाण्डेले जानकारी दिए। दरबन्दीअनुसार स्वास्थ्यकर्मी कारागारमा नआएको र बिरामीलाई अस्पताल ल्याउँदा लैजाँदा असहज हुनुका साथै खर्चसमेत बढेकाे कारागार प्रशासनले जनाएको छ।
चालू आर्थिक वर्षमा आएको एक लाख ८० हजार बजेटमा अहिलेसम्म साढे एक लाख उपचार खर्चमा सकिएको जेलर पाण्डेले जानकारी दिए। घोराही कारागारमा अहिले ३१५ कैदीबन्दी छन्।
चिसोका कारण कैदीबन्दीमा रुघाखोकी, हातखुट्टा दुख्ने, ज्वरो आउने, टाउको दुख्नेजस्ता समस्या देखिएको बताइएकाे छ।
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त
स्वास्थ्यमन्त्री उपेन्द्र यादवले दिए राजीनामा