मुटु परीक्षण शिविरमा १२०० लिए सेवा
रोल्पा : जिल्लामा पहिलोपटक भएकाे मुटुसम्बन्धी निःशुल्क शिविरमा एक हजार २०० बढीले सेवा लिएका छन्।
रोल्पा अस्पताल रेउघामा सम्पन्न उक्त शिविरमा एक हजार २०० जनाको सामान्य परीक्षण गरिएको थियो। पाँच सय बढीलाई औषधि वितरण गरिएको शिविरमा १२३ को रक्तचाप परीक्षण, ३८५ को ईसीजी र ५२१ को इको परीक्षण गरिएको थियो।
जिल्लामा पहिलोपटक सञ्चालन भएको यस प्रकारको शिविरले मुटुरोगी लाभान्वित भएको नगरपालिकाका प्रमुख पूर्ण केसीले बताए। शिविरमा मुटुरोग विशेषज्ञसहित १८ चिकित्सकको बिरामीकाे जाँच गरेका थिए।
शिविरमा आएका मुटुरोगका २७ जटिल बिरामीलाई शहीद गंगालाल राष्ट्रिय हृदय केन्द्र काठमाडौँमा सिफारिस गरिएको रोल्पा नगरपालिकाले जानकारी दिएको छ। सिफारिस गरिएका बिरामी र उनका एक सहयोगीलाई यातायात खर्चसहित निःशुल्क शल्यक्रियाको व्यवस्था आयोजकले व्यहोर्ने भएको छ।
शहीद गंगालाल राष्ट्रिय हृदय केन्द्र काठमाडौंको प्राविधिक सहयोग तथा सम्मान फाउण्डेसनको आयोजनामा भएको शिविरमा जयन्ती फाउण्डेसनको सहयोग रहेको थियो।
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त
स्वास्थ्यमन्त्री उपेन्द्र यादवले दिए राजीनामा