काठमाडौं : डा. निरेश थापा कर्णाली स्वास्थ्य विज्ञान प्रतिष्ठान जुम्लाको रेक्टर (शिक्षाध्यक्ष) नियुक्त भएका छन्। प्रतिष्ठानका सहकुलपति स्वास्थ्य तथा जनसंख्यामन्त्री भानुभक्त ढकालले बिहीबार डा. थापालाई रेक्टरको जिम्मेवारी दिएका हुन्।

यसअघि प्रतिष्ठानका उपकुलपति प्रा.डा. राजेन्द्रराज वाग्लेले रेक्टरका लागि डा. थापासहित डा भरतमणि पोखरेल र डा. बद्री बडु सिफारिस भएका थिए। डा. थापाको नाम पहिलो नम्बरमा थियो।

डा.थापा विसं २०७१ सालदेखि प्रतिष्ठानमा कार्यरत छन्। उनी कर्णाली स्वास्थ्य विज्ञान प्रतिष्ठानका एसोसियट प्रोफेसर समेत हुन्।