काठमाडौं:  शहिद गंगालाल राष्ट्रिय हृदय रोग केन्द्र बाँसबारीको कार्यकारी निर्देशक पदमा सरकारले मुटुरोग विशेषज्ञ डा चन्द्रमणी अधिकारीलाई नियुक्त गरेको छ ।

सोमबार बसेको मन्त्रिपरिषदको बैठकले मुटुरोग विशेषज्ञ डा अधिकारीलाई कार्यकारी निर्देशक पदमा नियुक्त गर्ने निर्णय गरेको हो ।

यसअघि डा ज्योतिन्द्र शर्मा केन्द्रका निर्देशक थिए । उनको कार्यकाल गत साउनमा नै सकिएको थियो । त्यसपछि डा युवराज लिम्बूलाई अस्पतालको निमित्त निर्देशकको जिम्मेवारी दिइएको थियो।