८ पुस २०७६ , मङ्लबार

वीरगञ्ज शीतलहरले अस्तव्यस्त, महानगरपालिकाका सबै विद्यालय १० दिन बन्द

वीरगञ्ज : शीतलहरले जनजीवन अस्तव्यस्त बनाएपछि प्रदेश २ को वीरगञ्ज महानगरपालिकाले सबै विद्यालय १० दिन बन्द गर्ने निर्णय गरेको छ। महानगरपालिकाले सामुदायिक र संस्थागत गरी ३११ वटा विद्यालयमा विदा दिने निर्णय गरेको हो।

चिसोका कारण विद्यालय जाने आउने बालबालिकाको स्वास्थ्य बिग्रिनसक्ने भन्दै सबै विद्यालय बन्द गर्ने निर्णय गरेको महानगरपालिका शैक्षिक प्रशासन महाशाखा प्रमुख अरविन्दलाल कर्णले जानकारी दिए। पुस ९ देखि १८ गतेसम्म विद्यालयहरूमा विदा दिइएको छ।

मौसम अनुकुल भए विदा रद्द गरी पढाए सञ्चालन गर्ने महानगरपालिकाले जनाएको छ। अहिलेको विदा बर्खे विदामा कटाउने पनि महानगरपालिकाले निकालेको सूचनामा उल्लेख छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।