७ पुस २०७६ , सोमवार

शिविरमा भेटियो ११५ जनालाई माेतियाविन्दु

सप्तरी : छिन्नमस्ता गाउँपालिकामा आयोजित एकदिने निःशुल्क ‘आँखा तथा कान शिविर’ मा ११५ जनामा मोतियाविन्दु फेला परेको छ।

धर्मी हल्फा महिला विकास क्लब तथा नेपाल नेत्रज्योति संघ सगरमाथा र चौधरी आँखा अस्पताल लहान सिरहाको आयोजनामा सोमबार सम्पन्न शिविरमा करिब तीन सय स्थानीय बासिन्दाले सेवा लिएको बताइएको छ ।

शिविरमा आँखामा देखिएका मोतियाबिन्दुका ११५ बिरामीलाई आँखा अस्पतालमा निःशुल्क शल्यक्रिया गरिने बताइएको छ। शिविरमा बिरामीलाई निःशुल्क औषधि प्रदान गरिएको धर्मी हल्फा महिला विकास क्लबका अध्यक्ष सूर्यनारायण यादवले जानकारी दिए।

सगरमाथा चौधरी आँखा अस्पतालका चिकित्सक राजकुमार यादवको नेतृत्वको टोलीले आँखा र कानका बिरामीलाई जाँच गरेका थिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।