अस्पतालमा अभावै अभाव
ललितपुर : गोदावरी नगरपालिका–१० मा रहेको बज्रबाराही चापागाउँ अस्पतालले जनशक्ति र उपकरण अभावका कारण प्रभावकारी सेवा दिनसकेको छैन।
नगरपालिकाले पर्याप्त बजेट नछुट्ट्याएका कारण अस्पतालमा समस्या देखिएको हो। अस्पतालमा कतिपय प्रविधि पुराना भएका र आधुनिक प्रविधि जडान गर्न नसक्दा बिरामीलाई सेवा दिन नसकिएको अस्पताल प्रशासनले जनाएको छ।
प्रयोगशालामा काम गर्ने जनशक्ति अभाव हुँदा १२ घण्टामात्र सेवा दिन सकेको अस्पतालका व्यवस्थापक मधुराम केसीले जानकारी दिए। उनका अनुसार नगरपालिकाले प्रशासनिक खर्चका २० लाख र औषधि खरिदका लागि १० लाख रुपैयाँ दिएको छ। यो रकमले वर्षभरिका लागि औषधि नपुग्ने केसीले बताए।
नगरपालिकासँगै तीन गाउँपालिका र मकवानपुर जिल्लाकासमेत बिरामी उपचारका लागि आउने गरेका छन्। पहिले दातृ निकायको सहयोगमा सञ्चालित हुँदाभन्दा अहिले स्थानीय सरकारको मातहतमा आउँदा बिरामीको चाप घटेको छ।
१५ शय्याकाे बज्रबाराही सामुदायिक अस्पताल गत असोज १ गते बज्रबाराही चापागाउँ अस्पतालमा परिणत भएको थियो। अस्पताल सामुदायिक छँदा नियुक्त भएका कर्मचारीलाई तलब खुवाउन निकै ग्राहो भएको अस्पतालका निमित सुपरटेण्डेन्ट डा. किसन नेपालीले बताए।
ई- सिगरेटको आयात तथा बिक्री वितरण रोक्ने व्यवस्था कार्यान्वयन गर्न स्वास्थ्य मन्त्रालयको पत्र
वायु प्रदूषण बढेकाले सावधानी अपनाउन अपिल
औषधीय गुणले भरिपूर्ण सिस्नो
कर्णालीमा पहिलोपटक कम्युनिटी मेन्टल हेल्थ सम्बन्धी अन्तराष्ट्रिय सम्मेलन हुँदै
क्यान्सर भएको पुष्टि भएका यूकेका राजा चार्ल्सले पुनः सार्वजनिक दायित्व निर्वाह गर्ने