चिसाेले विद्यालय बन्द
सप्तरी : चिसाेका कारण सप्तकोसी नगरपालिकाका सामुदायिक विद्यालय पाँच दिनका लागि बन्द गरिएको छ ।
तीन दिनयतता शीतलहर चलेपछि नगरपालिकाअन्तर्गतका चार माध्यमिक र सात आधारभूत गरी ११ वटा सामुदायिक विद्यालय सोमबारसम्मका लागि बन्द गरिएको हाे।
चिसो बढ्दै गएपछि विद्यार्थीको संख्या घटेको र बालबालिकाको स्वास्थ्यमा समेत असर गर्न थालेपछि विद्यालय बन्द गर्ने निर्णय गरिएको नगरपालिकाको शिक्षा शाखाका प्रमुख रामदेव चौधरीले बताए ।।
आइतबारसम्ममा पनि मौसममा सुधार नआए थप केही दिन विद्यालय बन्द गरिने बताइएकाे छ। सामुदायिक विद्यालयमा अधिकांश विद्यार्थी दलित तथा विपन्न वर्गका छन्। उनीहरूसँग न्यानो कपडा नभएकाले विद्यालय बन्द गर्नु नै उपयुक्त ठानेको उनको भनाइ छ । चिसोका कारण जिल्लाका अन्य विद्यालयमा समेत विद्यार्थी संख्या घटेको छ ।
तपाईँलाई पाइल्स छ ? यस्तो गर्नुहोस् खानपान
नेपालमा क्यान्सर सर्भाइभरलाई केन्द्रमा राखेर विशेष कार्यक्रम
नेपाल क्यान्सर सम्मेलन सम्पन्न
औषधिलाई नै नटेर्ने संक्रमण : विश्वसामु बढ्दो एएमआर चुनौती
मेवाका फाइदा