प्रहरी अस्पतालमा रक्तसञ्चार केन्द्र
काठमाडौं : नेपाल प्रहरी अस्पताल पानीपोखरीमा रक्तसञ्चार केन्द्रको स्थापना गरिएको छ। राष्ट्रिय वाणिज्य बैंकको ४० लाख रुपैयाँ सहयोगमा ‘रक्तसञ्चार केन्द्रको स्थापना गरिएको हो ।
उद्घाटन कार्यक्रममा प्रहरी महानिरीक्षक सर्वेन्द्र खनालले प्रहरी अस्पताल सरकारको अस्पताल भएकाले अन्य सरकारी अस्पतालले दिनेभन्दा उत्कृष्ट सेवा प्रदान गर्न आग्रह गरे। ‘अस्पतालले समयानुसार उत्कृष्ट सेवा प्रदान गर्दै आएको छ’, उनले भने, ‘आगामी दिनमा झन् राम्रो सेवा प्रदान गर्न लाग्नुहोस्।’
अस्पतालका प्रमुख एवं प्राविधिक प्रहरी अतिरिक्त महानिरीक्षक डा दुर्गा थापाले अस्पतालको क्षमता वृद्धि गर्न ३०० शय्यामा विकास गर्न स्वास्थ्य मन्त्रालयसँग छलफल भइरहेको बताए।
महानिरीक्षक खनालले अस्पतालमा ‘फिजियोथेरापी रिहाविलिटेसन सेन्टर’समेत उद्घाटन गरे। २०४० चैत २७ गते २५ शय्याबाट शुरु भएको अस्पतालमा अहिले प्रहरी कर्मचारीका लागि १५० र सर्वसाधारणका लागि १० शय्या छ।
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त
स्वास्थ्यमन्त्री उपेन्द्र यादवले दिए राजीनामा