दाङ : दङ्गीशरण गाउँपालिका–२ स्थित आधारभूत विद्यालय कौवाघारीमा सञ्चालनमा आएको योग कक्षा प्रभावकारी बनेको छ । उक्त विद्यालयले २०७४ माघदेखि विद्यालयमा योग कक्षा शुरु गरेको योग शिक्षक रोवरबहादुर ढकालले बताए।

कक्षा ३ देखि ५ सम्मका २० विद्यार्थीले योग कक्षा लिइरहेका छन्। योग कक्षा सञ्चालनमा आएपछि विद्यार्थीलाई सहज भएको ढकालको भनाइ छ। ‘पहिले योग किताबमा मात्रै पढाइन्थ्यो। अहिले प्रयोगात्मक नै हुने गरेको छ’, उनले भने, ‘यसले विद्यार्थीलाई निकै फाइदा भएको छ।’

योग कक्षा शुरु भएपछि विद्यार्थीमा स्वास्थ्य, आहारव्यहार, बोली भाषामा समेत परिवर्तन आएको उनको भनाइ छ। योग कक्षा शुरु भएपछि विद्यार्थीको शैक्षिक अवस्थामा पनि सुधार हुँदै गएको प्रधानाध्यापक लक्ष्मण देवकोटाले बताए।