२४ मंसिर २०७६ , मङ्लबार

डोटीका स्वास्थ्यकर्मी आन्दोलनमा

डोटी : सहकर्मी पक्राउ परेको विरोधमा जिल्लाका स्वास्थ्यकर्मी आन्दोलनमा उत्रिएका छन्। प्रहरीद्वारा पक्राउ परेका स्वास्थ्यकर्मी हिरादत्त भट्टलाई रिहा गर्न माग गर्दै उनीहरूले आन्दोलन शुरु गरेका हुन्।

गत मंगलबार जिल्लाको जोरायल गाउँपालिका–१ मा पर्ने खार खोप केन्द्रमा भट्टले डीपीटी पेन्टा खोप लगाएपछि स्थानीय बालक प्रवीण मल्लको मृत्यु भएको थियो। बालकको परिवारले किटानी जाहेरी दिएपछि प्रहरीले उनलाई पक्राउ गरेको थियो।

यसको विरोधमा आन्दोलित स्वास्थ्यकर्मीहरूले संघर्षका कार्यक्रम पनि सार्वजनिक गरेका छन्। उनीहरूले प्रजिअ टेकनारायण पौडेलमार्फत गृह मन्त्रालयका सचिवलाई ज्ञापनपत्रसमेत पठाएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।