विराटनगरमा सञ्चालनमा आयो ओम वेलनेस अस्पताल
विराटनगर : विराटनगर महानगरपालिका २ मा ओम वेलनेस अस्पताल स्थापना भएको छ। प्रदेश १ का मुख्यमन्त्री शेरधन राईले आइतबार अस्पतालकाे उद्घाटन गरे।
मुख्यमन्त्री राईले स्वस्थ रहन प्राकृतिक जीवनशैली प्राकृतिक चिकित्सा प्रणाली अपनाउनुपर्ने धारणा राखे। प्रदेशका सामाजिक विकासमन्त्री जीवन घिमिरेले रोग लाग्नबाट बच्न सन्तुलित आहार र योग गर्न सुझाव दिए।
वेलनेस अस्पताल काठमाडौँको प्राविधिक सहयोगमा सात करोड ५० लाख रुपैयाँ लागतमा अस्पताल सञ्चालनमा आएको हो। अस्पतालमा उच्च रक्तचाप, मधुमेह, हृदयरोग, पक्षाघात, मेरुदण्ड, नसा तथा जोर्नीका समस्या र माइग्रेनजस्ता शारीरिक समस्याको प्राकृतिक चिकित्सा पद्धतिबाट उपचार गर्ने जानकारी कार्यक्रममा दिइयाे।
अस्पतालमा फिजियोथेरापी, मसाज, योग तथा तनाव व्यवस्थापनमा दक्ष चिकित्सकद्वारा सेवा प्रदान गर्ने सञ्चालिका नमिता न्यौपानेले बताइन्। अस्पतालमा तीन चिकित्सकसहित १० जनाले सेवा प्रदान गर्नेछन्।
भिटामिन ए खुवाउने कार्यक्रम आज पनि
राष्ट्रिय ट्रमा सेन्टरको निमित्त मेसुमा डा प्रमोद यादव
आज र भोलि बालबालिकालाई ‘भिटामिन ए’ खुवाइँदै
काठमाडौं महानगरका वडाहरुमा आजदेखि नि:शुल्क क्यान्सर परीक्षण शिविर
सिगरेटको विकल्प ई -सिगरेट होइन