प्रधानमन्त्री ओली केही दिन अस्पतालमै रहने
काठमाडौं : प्रधानमन्त्री केपी शर्मा ओलीले केही दिन अस्पतालमै बसेर स्वास्थ्यलाभ गर्ने भएका छन्।
महाराजगञ्जस्थित मनमोहन कार्डियोथोरासिक भास्कुलर एण्ड ट्रान्सप्लान्ट सेन्टरमा उपचारत प्रधानमन्त्रीले केही दिन अस्पतालमै रहेर स्वास्थ्यलाभ गर्ने उनका प्रेस सल्लाहकार सूर्य थापाले जानकारी दिएका हुन्।
अस्पतालमा भन्दा सरकारी निवास बालुवाटार गएरै आराम गर्ने मनसाय व्यक्त गरेपछि प्रधानमन्त्रीलाई बुधबार साँझ वा बिहीबार बिहानसम्म डिस्चार्ज गर्ने तयारी चिकित्सकहरूले गरेका थिए। तर अस्पतालमै उपचार सहज हुने भन्दै केही दिन त्यहीँ राख्ने निर्णय गरेको चिकित्सकहरूले बताएका छन्।
उनको स्वास्थ्यमा उल्लेखनीय सुधार भएको र हाल चिकित्सकीय अवलोकनमा राखिएको अस्पतालले जनाएको छ। यही मंसिर १० गते प्रधानमन्त्री ओलीको एपेन्डिसाइटिसको शल्यक्रिया गरिएको थियो ।
बसाइ नमिल्दा ढाड दुख्ने समस्या !
काठमाडौंमा १७ जना औंलोको बिरामी, सबै आयातित
स्वास्थ्य मन्त्रालयले भन्यो, सरकारी अस्पतालमा काम गर्ने अनि निजीको विज्ञापन गर्न कहाँ पाइन्छ ?
गर्मीमा तातो हावा ‘लू’ बाट कसरी जोगिने ?
राष्ट्रिय प्रत्यारोपण केन्द्र १२ वर्षमा : १२ सय ३१ जनाको मिर्गौला प्रत्यारोपण