धनगढी : धनगढी उपमहानगरपालिकामा ११ वटा स्वास्थ्य केन्द्र निर्माण भइरहेका छन्। उपमहानगरकै साढे ४ करोड लागतमा विभिन्न वडामा स्वास्थ्य केन्द्र निर्माण भइरहेका हुन्।

उपमहानगरका  ३, ५, ७, ८, ९, ११ नम्बर वडामा स्वास्थ्य केन्द्रका भवन निर्माण भइरहेका छन्। १३, १४, १५, १७ र १८ मा पनि लागि भवन निर्माण शुरु भएको उपमहागरपालिकाले जनााएको छ।

हरेक वडामा स्वास्थ्य सेवा पुर्‍याउने उद्देश्यका साथ स्वास्थ्य भवन निर्माण भइरहेको उपमहानगरले जनाएको छ। उपमहागर भए पनि धनगढीका सबै वडामा सहज स्वास्थ्य सेवा पुगेकाे छैन। ग्रामीण भेगका मानिसले स्वास्थ्य सेवा लिन धनगढी पुग्नुपर्ने बाध्यता छ।

ती वडामा भवन निर्माणका लागि एसई कन्ट्रक्सन प्रालि ठेक्का पाएको छ। १५ महिनापछि उपमहानगरलाई भवन हस्तान्तरण हुने इन्जिनियर कमल ओझाले बताए।

सम्झौता अनुसार एक हजार ४०० स्क्वायर फिटको एकतले ११ कोठे भवन भवन निर्माण हुनेछन्। ६७ लाख लागत अनुमान गरिएको भवनका लागि ४० लाखमा निर्माण पक्ष र उपमहानगरबीच ठेक्का सम्झौता भएको छ।