१० मंसिर २०७६ , मङ्लबार

बलात्कार प्रयासको आरोप लागेका चिकित्सक मेडिसिटीबाट निलम्बित

काठमाडौं : बिरामीमाथि बलात्कार प्रयासको आरोप लागेका डा. रोहितकुमार झालाई मेडिसिटी अस्पतालले निलम्बन गरेको छ।

आरोपित डाक्टरका विषयमा गुनासो आएपछि आइतबार नै डा. झालाई निलम्बन गरेको अस्पतालले दाबी गरेको छ। आइतबार नै उनलाई निलम्बन गरेको अस्पतालकी मिडिया कोअर्डिनेटर मनिता पोखरेलले जानकारी दिइन्। डा.झाले दुई महिना अघिबाट मात्र अस्पतालमा काम शुरु गरेका थिए।

उपचारका लागि आएकी एक युवतीमाथि बलात्कार प्रयासको आरोपमा प्रहरीले सोमबार उनलाई पक्राउ गरेको छ।

महानगरीय प्रहरी परिसर ललितपुरका अनुसार उपचारका लागि आइतबार अस्पताल गएकी ती युवतीले आफूमाथि डा. झाले बलात्कार प्रयास गरेको भन्दै उजुरी दिएपछि प्रहरीले झालाई पक्राउ गरेको हो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।