८ मंसिर २०७६ , आइतवार

निःशुल्क हाडजोर्नी शिविरमा ७५ जनाको शल्यक्रिया

सल्यान : जिल्ला अस्पतालमा पाँच दिनसम्म सञ्चालन भएको निःशुल्क हाडजोर्नी शिविरमा ७५ जनाको शल्यक्रिया गरिएको छ। शिविरमा ५३ जनाको मेजर अप्रेसन र २२ जनाको माइनर अप्रेसन गरिएको हो।

शिविरमा २७८ जनाको जाँच गरिएको थियाे। हातखुट्टा भाँच्चिएर बांगो भएका, उपचार गर्न मिल्ने अपांगता, रड हाल्नुपर्ने तथा निकाल्नु पर्ने बिरामीहरूको निःशुल्क शल्यक्रिया गरिएको विशेषज्ञ डा. श्यामेन्द्र सिहंले जानकारी दिए।

द माउन्टेन मोबाइल हस्पिटल र सोलुखुम्बु पोलिटेक्निकल एकेडमीका मुख्य सर्जन बेल्जियमका डा. पियर सुट, हाडजोर्नी विशेषज्ञ डा. मिङ्मार शेर्पा, डा. श्यामेन्द्र सिंहलगायत १० जनाको टोलीले बिरामीकाे उपचार गरेको थियो। शिविरमा सल्यान, छिमेकी जिल्ला रोल्पा, रुकुम, दाङ र जाजरकोटबाट समेत बिरामीहरू आएका थिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।