८ मंसिर २०७६ , आइतवार

सवारीसाधनले ठक्कर दिँदा चिकित्सककाे मृत्यु

काठमाडौं : नयाँबानेश्वरमा सवारीसाधनको ठक्करबाट सिभिल हस्पिटलका चिकित्सक प्रभु जोशीको मृत्यु भएको छ ।

संघीय संसद भवनको १ नम्बर गेट अगाडि आइतबार बिहान ६ः१५ बजेतिर उनलाई सवारीसाधनले ठक्कर दिएको हो। मर्निङ वाकमा निस्केको वेला डा. जोशीलाई सवारीसाधनले ठक्कर दिएको हो। उनी सिभिल हस्पिटलमै बस्दै आएका थिए।

तीनकुने प्रहरीका अनुसार सवारीको ठक्करबाट जोशीको टाउको क्षतविक्षत भएको थियो। ठक्कर दिएर भागेकाले कुन सवारीसाधनले ठक्कर दिएकाे भन्ने यकिन नभएकाे प्रहरीले जनाएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।