सर्लाही : जंगली मौरीले चिल्दा मलङ्गवा–७, मुसैलीमा १ बालककोे मृत्यु भएको छ। पाँचजना अस्पताल भर्ना भएका छन्।

मुसैलीस्थित बाँसघारीमा रहेको मौरीले चिलेर बुधबार साँझ स्थानीय गणेश रायका तीन वर्षीय छोरा किसनकुमार रायको मृत्यु भएको प्रहरीले जनाएको छ।

मौरीको चिलाइका कारण ३५ वर्षीया चिन्तादेवी राय, छोरा चार वर्षीय रविकुमार राय, स्थानीय २४ वर्षीया अञ्जलीदेवी यादव, ४० वर्षीया देववती देवी र १८ वर्षीय रामध्यान महतो बिरामी भएका छन्। बिरामी पाँचैजना मलंगवा अस्पतालमा उपचारपछि अहिले घर फर्किसकेको जानकारी दिइएको छ।