३ मंसिर २०७६ , मङ्लबार

मरेकाे कुखुरा खाँदा एककाे मृत्यु, नाैजना बिरामी

बैतडी : मरेको कुखुराको मासु खाँदा पुर्चौंडी नगरपालिका–२ जरसौंकी एक किशोरीको मृत्यु भएको छ भने नौजना बिरामी भएका छन्। १५ वर्षीया पुष्पा पार्कीको मृत्यु भएको हो।

शनिबार साँझ मरेको कुखुराको मासु घरपरिवारका सबै सदस्यले खाएका थिए। मरेको कुखुराको मासु खाएका पुष्पासहित एकै परिवारका नौजना बिरामी भएका थिए। उनीहरू आइतबारदेखि बिरामी परेकाे छिमेकीहरूले जानकारी दिए। मंगलर घरमै पुष्पाको मृत्यु भएको हो।

मासु खाएपछि बान्ता हुने, झाडापाखला लाग्नेजस्ता लक्षण देखिएकाे थियाे। बिरामीहरूलाई उपचारका लागि हाट स्वास्थ्यचौकी लगिएको बताइएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।