१ मंसिर २०७६ , आइतवार

सिन्धुलीकाे सुनकोशीमा आँखा र कान उपचार केन्द्र

सिन्धुली : सुनकोशी गाउँपालिका–६ खाल्टेस्थित आत्मीय सामुदायिक अस्पतालमा आँखा र कान उपचार केन्द्र सञ्चालनमा आएको छ।

आत्मीय सामुदायिक अस्पतालको समन्वय र सगरमाथा चौधरी आँखा अस्पताल लहानको स्वामित्व रहनेगरी उपचार केन्द्र सञ्चालनमा आएको हो। सिन्धुली क्षेत्र नम्बर २ का प्रतिनिधिसभा सांसद हरिबोल गजुरेलले शनिबार केन्द्रको उद्घाटन गरे।

सिन्धुलीको गडतिरक्षेत्र सुनकोशी, गोलन्जोर, फिक्कल गाउँपालिका, रामेछाप र ओखलढुंगालगायतका ठाउँका बिरामीलाई लक्ष्य गरी केन्द्र सञ्चालनमा आएको अस्पतालका कार्यकारी निर्देशक सञ्जीव केसीको भनाइ छ।

केन्द्रमा आँखा र कानका सबै उपचार सेवा दिइने जानकारी दिइएकाे छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।