‘अफ्रिकन स्वाइन फिवर’ फैलिने आशंकापछि मारिए ४७ हजार सुँगुर
‘अफ्रिकन स्वाइन फिवर’ फैलिने खतरा बढेपछि दक्षिण कोरियामा ४७ हजार सुँगुर मारिएका छन्।
रोगको त्रासले दक्षिण कोरिया प्रशासनले यति ठूलो संख्यामा सुँगुर मार्न लगाएको हो। सुँगुर मारिएपछि उत्तर कोरिया र दक्षिण कोरियाको सीमा नजिकै रहेको नदी इमजिन रगतले राताम्य भएको बीबीसीले जनाएको छ।
मारिएका सुँगुरलाई सीमा नजिकैको डम्पिङ साइडमा गाडिएको थियो। तर वर्षाका कारण त्यहाँबाट रगत बगेर नजिकै रहेको इमजिन नदीमा मिसिएको हो।
अफ्रिकन स्वाइन फिवर अति संक्रामक र उपचार सम्भव नभएको रोग हो। संक्रमित सुँगुर जीवित रहने सम्भावना हुँदैन। तर मानिसमा यसको संक्रमणको खतरानहुने बताइएको छ।
यो रोग फैलिएपछि चीन, भियतनाम र फिलिपिन्सलगायत एसियाका देश प्रभावित भएका छन्। यसैका कारण चीनमा मात्रै १२ लाख सुँगुर मारिएका छन्।
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त
स्वास्थ्यमन्त्री उपेन्द्र यादवले दिए राजीनामा