पाठेघर खसेका ११ महिलाकाे शल्यक्रिया
खाेटाङ : पाठेघर खस्ने समस्या भएका ११ महिलाको मा निःशुल्क शल्यक्रिया गरिएको छ। लामो समयदेखि पाठेघर खस्ने समस्याले घरमै पीडित बनेर बसेका तीन स्थानीय तहका ११ महिलालाई काठमाडौँस्थित मोडेल अस्पतालमा निःशुल्क शल्यक्रिया गराइएको हो ।
जिल्लामा महिला प्रजनन अधिकारसम्बन्धी काम गर्दै आएको वातावरणीय कृषि तथा विकास केन्द्र (केड)ले ऐसेलुखर्क गाउँपालिकाका आठ महिलाको शल्यक्रिया गराएको छ। यस्तै, रावाबेँसी गाउँपालिकाका दुई र दिप्रुङ चुइचुम्मा गाउँपालिकाका एक महिलालाई काठमाडौँ जान–आउन तथा खान–बस्नको व्यवस्था मिलाइदिएको हो।
‘जिल्लामा उपचार सम्भव नभएपछि शल्यक्रिया गराउन काठमाडौँ पठाइएको थियो’, उनले भने, ‘अहिले उनीहरू एघारै जना सफल शल्यक्रिया भएर घर फर्किने तयारीमा छन्।’ काठमाडौँमा शल्यक्रिया गर्न लाग्ने सम्पूर्ण खर्चको व्यवस्था कम्युनिटी सपोर्ट एसाेसिएसन नेपाल (कोसन)ले उपलब्ध गराएको कार्यक्रम संयोजक श्रेष्ठले जानकारी दिए। संयोजक श्रेष्ठका अनुसार रावाबेँसी गाउँपालिकामा मात्रै पाठेघर खस्ने समस्या भएका महिला करिब २१ प्रतिशत छन्।
उक्त समस्या सबैभन्दा बढी ४० वर्ष नाघेका महिलामा देखिएको साझेदारी संस्था हलेसी विकास मञ्चका कार्यक्रम संयोजक वीरेन्द्र मगरले जानकारी दिए।
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त
स्वास्थ्यमन्त्री उपेन्द्र यादवले दिए राजीनामा