शिक्षामन्त्री पाेखरेलले डा. केसीलाई भने, अहिले अनशनकाे वेला हाेइन
काठमाडौं : शिक्षा, विज्ञान तथा प्रविधिमन्त्री गिरिराजमणि पोखरेलले डा. गोविन्द केसीलाई अनशन तोड्न आग्रह गरेका छन्।
मन्त्रालयमा सोमबार पत्रकार सम्मेलन गरी मन्त्री पोखरेलले मुलुक अहिले कालापानीको बहसमा रहेको भन्दै अहिले अनशनको बाटो ठीक नरहेको बताएका हुन्। ‘सिंगो देश कालापानीको विषयमा एकताबद्ध ढंगले अघि बढिरहेको वेला डाक्टर सा’बले अनशनको बाटो लिने होइन’, उनले भने।
डा. केसीले उठाएका मुख्य मागहरू सम्बोधन भइरहेको मन्त्री पोखरेलले बताए। डा. केसीले चिकित्सा शिक्षा ऐन कार्यान्वयनमा सहयोग गर्नुपर्ने मन्त्री पोखरेलको भनाइ छ।
चिकित्सा शिक्षामा सुधारको माग राख्दै आएका केसी ७ दिनदेखि डडेल्धुरामा अनशनमा बसेका छन्। स्वास्थ्य जटिल बन्दै गए पनि सरकारले माग सम्बोधनमा पहल नगरेको भन्दै डाक्टर केसीका समर्थकले दिनहुँ प्रदर्शन गरिरहेका छन्।
ई- सिगरेटको आयात तथा बिक्री वितरण रोक्ने व्यवस्था कार्यान्वयन गर्न स्वास्थ्य मन्त्रालयको पत्र
वायु प्रदूषण बढेकाले सावधानी अपनाउन अपिल
औषधीय गुणले भरिपूर्ण सिस्नो
कर्णालीमा पहिलोपटक कम्युनिटी मेन्टल हेल्थ सम्बन्धी अन्तराष्ट्रिय सम्मेलन हुँदै
क्यान्सर भएको पुष्टि भएका यूकेका राजा चार्ल्सले पुनः सार्वजनिक दायित्व निर्वाह गर्ने