नेपाल स्वास्थ्यकर्मी संघको अध्यक्षमा घिमिरे विजयी

नेपाल स्वास्थ्यकर्मी संघको अध्यक्षमा घिमिरे विजयी

काठमाडौं: नेपाल स्वास्थ्यकर्मी संघको अध्यक्षमा रामजी घिमिरे निर्वाचित भएका छन्। उनले ३३१ मत ल्याएका छन् भने उनका प्रतिद्वन्दी ओमप्रसाद उपाध्यायले २१७ मत ल्याए।

वरिष्ठ उपाध्यक्षमा रामचन्द्र साह निर्वाचित भएका छन्। साहसहित दीपक मुडभरी र भवानी शर्मा प्रतिस्पर्धामा उत्रिएका थिए।
महासचिवमा दीपकराज भट्ट निर्वाचित भएका छन्। महासचिवमा भट्ट र शंकर कँडेल चुनावी मैदानमा थिए ।

यसैगरी महिला उपाध्यक्षमा रमिला चौलागाईं विजयी भएकी छिन्। उनले निरा निरौलालाई हराएकी हुन्। कोषाध्यक्षमा सुरेश पासवान विजयी भएका छन्। उनको प्रतिस्पर्धामा राजकुमार तिवारी थिए।

स‌ंघको निर्वाचनमा ५७५ मत खसेको थियो। देशभरबाट आएका  मतदाताले संघको नयाँ नेतृत्वका लागि मतदान गरेका थिए।