पाकिस्तानी पूर्वप्रधानमन्त्री सरिफ उपचारका लागि बेलायत जाने
केही समयदेखि बिरामी रहेका पाकिस्तानका पूर्व प्रधानमन्त्री नवाज सरिफ थप उपचारका लागि सोमबार बेलायत जाने भएका छन्। स्वास्थ्य स्थिति अध्ययन गरेपछि सरकारले उनलाई लण्डन जाने अनुमति दिएको हो।
उनी यही नोभेम्बर २७ तारिखमा फर्किने तय भएको स्रोतले जनाएको छ। सरिफको स्वास्थ्य सम्बन्धी सम्पूर्ण विवरण सरकारले अध्ययन गरेर उनको अवस्था नाजुक रहेको निष्कर्ष निकालेको उनका विशेष सहयोगी नइम उल हकले सञ्चारकर्मीलाई जानकारी दिए।
भ्रष्टाचारको अभियोगमा जेल सजाय भोगिरहेका ६९ वर्षीय सरिफ कारागारमै बिरामी भएपछि अदालतकै आदेशमा उपचारका लागि अस्पताल भर्ना गरिएको थियो। अस्पतालमा केही दिन उपचारपछि उनलाई केही दिनदेखि जाटी उम्र स्थित निवासमै राखेर उपचार गरिएको थियाे।
निवासमा पनि सरिफलाई अति विशिष्ट कक्ष (आईसीयू) को व्यवस्था गरिएको थियो।
बसाइ नमिल्दा ढाड दुख्ने समस्या !
काठमाडौंमा १७ जना औंलोको बिरामी, सबै आयातित
स्वास्थ्य मन्त्रालयले भन्यो, सरकारी अस्पतालमा काम गर्ने अनि निजीको विज्ञापन गर्न कहाँ पाइन्छ ?
गर्मीमा तातो हावा ‘लू’ बाट कसरी जोगिने ?
राष्ट्रिय प्रत्यारोपण केन्द्र १२ वर्षमा : १२ सय ३१ जनाको मिर्गौला प्रत्यारोपण