खोटाङ : जिल्लामा स्वास्थ्य बिमा गर्नेको संख्या २६ हजार नाघेको छ। ०७४ पुस २४ मा शुरु भएको कार्यक्रममा असोज मसान्तसम्ममा १२ हजार एक सय ८६ परिवारका २६ हजार ४७ जनाले स्वास्थ्य बिमा गराएका छन्।

स्वास्थ्य बिमा गराउनेमा १२ हजार ७७७ पुरुष र १३ हजार २६८ महिला रहेको स्वास्थ्य बिमा बोर्ड खोटाङले जनाएकाे छ। कुनै पनि नागरिकले उपचार खर्च अभावमा अकालमा ज्यान गुमाउन नपरोस् भनेर सरकारले ल्याएको स्वास्थ्य बिमा कार्यक्रम जिल्लाका १० वटै स्थानीय तहमा सञ्चालन भएको छ।

दुई नगरपालिका र आठ गाउँपालिका रहेको जिल्लाको जनसंख्या दुई लाख छ हजार ३१२ रहेको छ।