काठमाडौं:  नेपाल मेडिकल काउन्सिलले मेडिकल कलेजमा देखिएको शुल्क विवाद सम्बन्धमा छानविन समिति बनाउने भएको छ ।

सोमबार काउन्सिलले मेडिकल कलेजमा भइरहेको शोषण र कलेजले लिएको बढी शुल्क फिर्ता लगायतका घटनामा ध्यानाकर्षण गर्दै विज्ञप्ति जारी गरेको हो। योसँगै काउन्सिलले मेडिकल कलेजहरुमा स्थलगत अनुगमन गर्ने र दोषी देखिएमा कारवाही गर्न चिकित्सा शिक्षा आयोगलाई लेखी पठाउने निर्णय समेत गरेको विज्ञप्तिमा उल्लेख छ।

आफूहरुबाट लिएको बढी शुल्क फिर्ताकाे माग गर्दै शान्तिपूर्ण आन्दोलनमा उत्रिएका विद्यार्थीलाई कुटपीट गर्ने,  डर, त्रास र धम्की देखाउने लगायतका विषयमा काउन्सिलले सम्बन्धित मेडिकल कलेजका सञ्चालक एवं पदाधिकारीसँग छलफल गरी कारबाही प्रक्रिया अगाडि बढाउन पनि आयोगलाई पत्राचार गर्ने निर्णय गरेको छ।